Prashanth Neel ke direction mein bani 'KGF Chapter 2' Indian cinema ki tareekh ki sab se badi aur blockbuster films mein se ek hai. Chapter 1 ki zabardast success ke baad, audiences ko is sequel ka shiddat se intezar tha, aur jab yeh film 14 April 2022 ko release hui, toh isne box office par records ki barsaat kar di. Yeh sirf ek film nahi, balkay ek cinematic anubhav hai jo action, drama aur emot ion ka aik perfect mix pesh karta hai.
Film ki kahani wahan se shuru hoti hai jahan Chapter 1 khatam hui thi. Rocky (Yash) ne Garuda ko maar kar Kolar Gold Fields (KGF) par qabza kar liya hai. Ab Rocky ka naam dushmano ke dilon mein khauf paida karta hai, jabkay KGF ke log usay apna masiha samajhtay hain. Rocky ka maqsad sirf KGF par hukumat karna nahi, balkay apni maa se kiya gaya wada poora karna hai ke woh duniya ka sab se ameer aur taqatwar aadmi banega. Is safar mein usay kai khatarnak dushmanon ka samna karna parta hai.
Sab se pehla aur khatarnak dushman hai Adheera (Sanjay Dutt), jo Garuda ka chacha hai aur KGF ka asal waris hone ka dawa karta hai. Adheera ko pehle mara hua samjha gaya tha, lekin woh wapas aata hai aur Rocky se takkar lene ke liye taiyar hai. Sanjay Dutt ne Adheera ke kirdaar mein zabardast performance di hai, unka look aur unki screen presence film ko next level tak le jaati hai. Adheera ka rawaiya aur uski beraham jang film ke action sequences ko char chand lagati hai.
Doosri taraf, Indian government bhi Rocky ko law and order ke liye khatra samajhti hai. Prime Minister Ramika Sen (Raveena Tandon) Rocky ko rokne aur KGF ko national property declare karne ke liye sakht iqdamat uthati hain. Ramika Sen ka kirdaar bhi film mein buhat crucial hai, woh aik mazboot aur pur-azm siyasatdan ke tor par dikhai deti hain. Rocky ko Adheera aur Ramika Sen, dono taraf se double threat ka samna hai, jis se kahani mein mazeed dilchaspi aur tanau (tension) paida hota hai. ... See More