Chicken fry masala Pakistani gharon ka aik bohat mashhoor aur pasandeeda khana hai. Ye dish har umar ke logon ko pasand aati hai, khas tor par bachon aur mehmanon ke liye ye best option hoti hai. Chicken fry ka taste tab hi perfect hota hai jab masalon ka balance sahi ho aur chicken andar se juicy aur bahar se crispy ho. Aksar log ghar par chicken fry banate waqt ye ghalti kar dete hain ke ya to c hicken zyada dry ho jata hai ya phir masala sahi tarah chipakta nahi. Is recipe mein hum aapko bilkul asaan aur tested tareeqa batayenge.
Chicken fry masala banane ke liye sab se pehle fresh chicken lena bohat zaroori hota hai. Hamesha medium size chicken pieces use karein, kyun ke bohat chotay tukray jaldi jal jate hain aur baray pieces andar se kachay reh jate hain. Chicken ko achi tarah dho kar namak aur haldi laga kar 15 minute ke liye rest dein. Is se chicken ka natural taste enhance hota hai aur badbu bhi khatam ho jati hai.
Ab baat karte hain masalon ki. Chicken fry masala ka asli maza lal mirch, dhania powder, zeera powder, garam masala aur thori si chaat masalay se aata hai. In sab masalon ko dahi ke sath mix kar ke aik smooth paste bana liya jata hai. Dahi ka use chicken ko soft aur juicy banane mein madad karta hai. Isi masalay ke mix mein adrak lehsan paste bhi shamil kiya jata hai jo chicken ko strong aur desi flavor deta hai.
Marination chicken fry ka sab se important step hota hai. Chicken ko kam az kam 1 ghanta masalay mein marinate karna chahiye, lekin agar time ho to 2 se 3 ghantay ke liye marination aur bhi behtar hoti hai. Jitni zyada dair chicken masalay mein rahe ga, utna hi zyada flavor absorb kare ga. Isi wajah se restaurant style chicken fry zyada tasty hota hai.
Chicken fry karte waqt oil ka temperature bhi bohat matter karta hai. Hamesha medium flame par chicken fry karein. Tez aanch par fry karne se chicken bahar se jal jata hai aur andar se kacha reh jata hai. Dheemi aur medium aanch par chicken aram se fry hota hai aur golden brown color aata hai. Jab chicken fry ho jaye to thori dair ke liye tissue paper par rakh dein taa ke extra oil nikal jaye.
Chicken fry masala ko raita, salad aur naan ya chapati ke sath serve kiya jata hai. Ye dish lunch, dinner, dawat aur khaas mauqon ke liye perfect hoti hai. Agar aap is recipe ko sahi tareeqay se follow karein to yaqeenan aapka chicken fry bilkul restaurant jaisa banay ga. ... See More